आजदेखि सम्पूर्ण सरकारी अस्पताल बन्द, डा.गोविन्द केसीको आन्दोलनको समर्थनमा गोदानले किन यस्तो निर्णय गर्यो ?

0

Govind KCसरकारी चिकिस्तक संघ गोदानले चिकित्सा क्षेत्रमा भैरहेका अनियमितताबिरुद्ध अनसन बसेका डा. गोविन्द केसीको समर्थनमा देशव्यापी रुपमा सम्पूर्ण सरकारी अस्पतालहरुमा आकस्मिक बाहेकका बरिरंग सेवा बन्द गरेको छ त्रिभुवन विश्वविद्यालय, शिक्षण अस्पतालमा चिकित्सा शिक्षा विधेयक पारित गर्नुपर्नेलगायतको माग राख्दै १९ दिनदेखि आमरण अनशनमा बसेका डा. गोविन्द केसीको माग सम्बोधनका लागि दबाब दिँदै सङ्घले आज आकस्मिक बाहेकका सेवा बन्द गरेको हो ।

संघले बिहीबार आकस्मिक बैठक बसेर आजदेखि सम्पूर्ण अस्पतालमा आकस्मिक बाहेकका सेवामा संलग्न नहुने निर्णय गरेको हो । सङ्घले यसअघि चरणबद्ध आन्दोलन गर्दै आएको छ ।

सङ्घका अध्यक्ष डा. दीपेन्द्र पाण्डेले अस्पतालमा हुने बिरामी र भर्ना भएर बसेका बिरामीको उपचारका लागि अस्पताल परिसरमा आवश्यक पूर्वाधार जुटाएर ओपिडी सेवा उपलब्ध गराउने जनाएका छन् ।

सङ्घले अस्पताल परिसरमा बहिरङ्ग सेवा बाहिर बसेर सेतो कागजमा लेखी बिरामी हेर्न चिकित्सकलाई अनुरोध गरेको छ । राज्यले विगतमा औपचारिकताका लागि छिटफुट वार्ता गरे पनि डा. केसीका माग पूरा गर्न उदासिनता देखाएको सङ्घले आरोप लगाएको छ ।

सङ्घको निर्णयबाट उत्पन्न हुने असहजताको सम्पूर्ण जिम्मेवारी नेपाल सरकारको हुने सङ्घले विज्ञप्तिमा उल्लेख गरेको छ ।

Share.

Leave A Reply

bkh joi'po jopi o